شو بَحكي عن سحرك قولي؟ عن صوتِك نَغَم بغنّيلو؟
عن خدّك وردي مطرّزة؟ عن رمشك غصن بحنّيلو؟
عيونك قصيدة معمولة من طلّة يوسف بزمانو
وسحرك آية منزولة تبقى مضويي بكل أوانو

إنتِ العصفورة المدهونة بلون الميّ ودفا الشمس
وشفايفك كاسات التوت، كاس بحكي وكاس بيهمس
وبين الخصر وبَين اللولو صاغو الموجة من خصرك
ومن كفوفِك وردو الفُلّ ومندى الحنّة من عطرك

إنتِ النسمة المجبولة برائحة الزهر وعطر الليل
وأحلى من الزنبق طولِك ومن السنديانة الفيّل
ضفيرة شَعرك مزروعة بين الريح وبين الغيمات
ولو كان الموجِة عا كفِّك بتخبّي البحر بلمسات

جيتك بقصايد مشغولة من حبّي ودفا أنغامي
بكتبلك عمر بحبولو، بروحي، بدمي، بأحلامي
وبقلِّك قولي شو بدِّك؟ لو بدِّك نجمِة من سماكِ
بنزلها عَ رمشك حلقة وخلّي الكون يدوَّر معاكِ
بقلم حيدر الحسيني

بدي جبلك ذهب، بس إنتِ ذهب
لَوين أروح والهَوى فيكي انكتب؟
عيونك سحر، وضحكتك عطر عَ العتب
وصوتك لحن بيدوّي القلب دغَب

شو بجيبك؟ ماس؟ لا، إنتِ الماس
وحُسنك فوق الوصف، ما بينقاس
خدودك ورود، وشعرك كاسات كاس
وسحر عيونك عَ الليل بيضوّي بلمعان خاص

بدي جبلك عقد من ضو القمر
بس حسّيت هالضو من نورك انكسر
شو قيمة الدهب قدّام قلبك الكبر؟
إنتِ العِطر، وإنتِ السحر، وإنتِ الأمر

بدي جبلك خاتم، بس شو بيزيد؟
خاتم بإيدك؟ ولا قلبك هو العيد؟
إنتِ اللؤلؤ، والكنوز، والورد الجَديد
وإنتِ الحب يلي معك صار أكيد

بدي جبلك بحر، بس عيونك بحر
وفيهن غَرِق قلبي وصار السِحر
كلّ نَظرة منّك عالم ملون بالفرح
وكلّ لمسة منك بترجع الروح عَ المسرح

بدي جبلك قصر من الياقوت
بسّ حُبّك هو القصر بقلبي الثبوت
شو القصر قدّام حضنك الدافي والصَوت؟
إنتِ عيدي بكلّ يوم وبكلّ سكوت

بدي جبلك نجوم وقلادة سما
بسّ حسّيت إنك نجم بعيوني عَ المدى
شو بدي أزيد عَك جمال، عَ المدى؟
حبّك ذهب، وقلبك هو الدَوا

يا عيد الحب، صرت إنتِ العيد
صرتِ الهَوى، والنبض، والقصيد
وكلّ يوم بعيوني إنتِ جديد
بدي جبلك ذهب، بس إنتِ الذهب الوحيدإنتِ ذهب وروح، وروحي مرهونة بإيديك
نبض قلبي عايش بس ليحضن عينيك
كلّ الدنيي ما بتسوى لحظة حُبّ معيك
إنتِ العمر، وإنتِ الدفا، وحياتي ملك إلك وفيك
بقلم حيدر الحسيني