شو بَحكي عن سحرك قولي؟ عن صوتِك نَغَم بغنّيلو؟
عن خدّك وردي مطرّزة؟ عن رمشك غصن بحنّيلو؟
عيونك قصيدة معمولة من طلّة يوسف بزمانو
وسحرك آية منزولة تبقى مضويي بكل أوانو

إنتِ العصفورة المدهونة بلون الميّ ودفا الشمس
وشفايفك كاسات التوت، كاس بحكي وكاس بيهمس
وبين الخصر وبَين اللولو صاغو الموجة من خصرك
ومن كفوفِك وردو الفُلّ ومندى الحنّة من عطرك

إنتِ النسمة المجبولة برائحة الزهر وعطر الليل
وأحلى من الزنبق طولِك ومن السنديانة الفيّل
ضفيرة شَعرك مزروعة بين الريح وبين الغيمات
ولو كان الموجِة عا كفِّك بتخبّي البحر بلمسات

جيتك بقصايد مشغولة من حبّي ودفا أنغامي
بكتبلك عمر بحبولو، بروحي، بدمي، بأحلامي
وبقلِّك قولي شو بدِّك؟ لو بدِّك نجمِة من سماكِ
بنزلها عَ رمشك حلقة وخلّي الكون يدوَّر معاكِ
بقلم حيدر الحسيني

بدي العمر كلو حب ودفا وسلام
بدي العيون تسكر عَ حبّك وتفيق

بدي الغفا نجم وسهرة وسهر معاك
بدي الدنيي تِحضن عطر شفافيك

بديك عمري وكل شي عندي غالي
بدي القلب يبقى بْدفا شفافيك

إنتِ السما والنجوم ونبض الخيال
وإنتِ الغرام اللي بِقلبي يخاويك

إنتِ الحلا والملا والورد والندا
وإنتِ العيون اللي بتسرق لياليك

شو هالعطر يللي بروحك ساكني؟
شو هالضيَا يللي بِحلمك مخبّيك؟

يا دنيي تايهة بين الجنة والنار
بدي الهوا تاخدني صوب أراضيك

بديك غمرة ما تفلّ وما تروح
بديك بقلبي متل نقش المماليك

بدي كلامك كلّو همس وحنان
بديك حب ما تغرّب وما يضيع

بدي العواصف تهدا من همساتك
بدي الليالي تحلم بصوت أيدييك

بدي القصايد تغرق تحت جفوني
وتبقى قصايدي تنكتب بإيدييك

بدي حروفي تسأل عنك بالقصيد
وتبقى عيوني تندهلك وتحييك

بدي الحنين يصرخ ويرسم هواك
بدي الحكي يصرخ بإسمك ويناديك

بدي الليالي تتركني نام بحلمك
وما فيق إلا على إيدييك تناديك

بديك قلب ونبض وحنان وسهر
بدي العيون تحضن العيون وتغفيك

بدي العمر يبقى مرهون بإسمك
وبدي الروح ما تفلّ وما تودّع إيدييك

إنتِ الحلم يللي سرقني من الدنيي
وإنتِ الهوى يللي بياخدني ويجييك

يا رب تاخد عمري وتعطيه لعينيك
وكون شمعة تحترق تِضوّي لياليك
بقلم حيدر الحسيني

أنا شغلي أخدني، والهمّ حملته بإيدي
ركضت ورا لقمة العيش ونسيت حالي مش بإيدي
مش لأنّي نسيتك أو قلبي عنك تاب
بس كنت عم بني مستقبل لعيونك يا أعز الأحباب

انتي قلتي المال سرقني وصرتي تعتبيني
وما شوفتي جرحي ووحدتي وأنتِ جوّاتي ساكنيني
أنا تعبت كرمال حبّنا وما بدّي إلا رضاكِ
وأنا لو بدي الدنيا، ما بتغلى لحظة لولاكِ

الذهب اللي بتفكريه غاية وهدف للحياة
هو وسيلة عيش، بس الحبّ هو النجاة
شو بينفعني مال الأرض إذا قلبك زعلان
أنا تاجي حبّك مش خزنة مليانة دهب ونيشان

أنا بحبك حبّ ما بينوصف بكلام الزمان
حبّ زرعتو بقلبي من قبل ما نعرف الحرمان
كيف بدي كون كذّاب وأنا بعيوني رسمتك
وكل ما غبتِ لحظة، قلبي يصرخ: وينك؟

يا رفيقة دربي، المال وسيلة مش غاية
إذا القلب ما بيحب، شو بتنفع هالدنيا الواهية؟
أنا شقيت تعبت كرمالك ونسيت نفسي وأحلامي
كرمال إيديكِ الدافيين، وعيونك اللي صارو سلامي

ما بتعرفي شو حسيت بس قلتي عني مخادع
كأنّ سكّين غدر شقّ قلبي الوادع
أنا جندي بحبك، وفيك عيوني مسبيّة
ولو عنك تخلى الكون، أنا قلبي معك قضيّة

أنا الصدق اللي حكيته من أول دقيقة
وحبّك بقلبي قصة عتيقة
لا تخلي الشكّ يزرع بيناتنا حجار
نحنا حبّنا أقوى من مال أو دولار

خدي روحي إذا شكيتي بصدق إحساسي
أنا عشت عمري علّمت قلبي الوفا ونسياني
والمال لو كان عندي كنوز وقصور ودنيا
بيضل حبّك هو المرسى، والمينا، والسنيّا

بديك تعرفي إنك انتي الهوى والنور
وانا عشقي الكِ كالأرض ما بتعرف فتور
ما تغلطي بالعتب، وتخلي المال هو الحكم
حبّنا فوق كل شي، ثابت متل رسم القدم

يا روحي، يا حياتي، يا نور هالعيون
أنا بحبك حبّ ما بينطفِ بحضن السنون
وإذا قلبي خانك، ساعتها بتحكمي بإيدي
بس حبّك بقلبي محفور مثل وعود الشهيدِ

خلص الكلام، والوجع صار غصة حكي
أنا مخلص إلك، وما يوم كنت معك مش نقي
وآخر كلامي، بدي قلك كلمة من قلبي المكسور:
حبّك فوق المال، وفوق كل شي بالدنيا، وحبّك محفور.

فتّح الورد عَ صوتك غنّى
وقال الصبح بحلاكي جنّى
يا فرحة عمري وحلم سنيني
يا قمرة بالسما مسكنّى

يا ريحة الندى وعطر التين
يا سحر الموج ببحر الحنين
كل لحظة بوعى وبقلك فيها
صباحك حب وورد وياسمين

يا قلب الدني ويا تاج العمر
إنتِ الحب بقلبي نُقِش بالحجر
ضحكتك نور، وصوتك وتر
وإنتِ البسمة بأيام القهر

بقلم حيدر الحسيني